Kamioni bie ne lumin Mat, shoferi rrezikon jeten

MILOT- Nje kamion qe udhetonte ne aksin Milot-Mat ka rene ne lumin e Matit mbremjen e djeshme. Mesohet se drejtuesi i mjetit ka mbetur brenda kabines se kamionit, kurse uji i rrembyeshem pas shirave te rene e ka bere me te veshtire situaten dhe tejet dramatike. Burime policore thane se kamioni ishte me targa te Tiranes dhe drejtohej nga 50 vjecari Nikoll Nikolli. Edhe forcat e policise kane mberritur ne vendin e ngjarjes, por ende nuk kane mundur ta nxjerrin drejtuesin e kamionit per shkak te lumit te rrembyeshem. Nikoll Nikolli eshte punetor ne Milot dhe udhetonte shpesh ne kete aks, por ende nuk behen te ditura shkaqet e ketij aksidenti. Policia eshte duke vazhduar perpjekjet per te nxjerre nga lumi shoferin, kurse mjeti ka rreshkitur te pakten 300 metra nga rruga kryesore. Nje tjeter aksident i ndodhur dje ne superstraden Korce-Kapshtice shkaktoi plagosjen e dy shofereve te mjeteve qe u perfshine ne nje perplasje te fuqishme. Shkak i ngjarjes eshte cilesuar shpejtesia e madhe, kurse te plagosurit u derguan ne spital, ku dhe po mjekohen.