Kampusi i UT gati, brenda javes aplikim per leje ndertimi Luljeta Ndoka
Perfundon projekti i ndertimit te kampusit universitar te Universitetit me te madh ne vend, atij te Tiranes. Lajmin e ka bere te ditur rektori i UT, Dhori Kule, i cili shprehet se brenda javes pritet te behet aplikimi per lejen e ndertimit. "Do te bejme aplikimin per lejen e ndertimit dhe pasi te merret leja do te perdorim buxhetin tone, si dhe do te kerkojme fonde te tjera per ndertimin e kampusit, i cili do te ideohet me godina per te gjithe", - tha Kule. Zbatimi i ketij projekti eshte mjaft i kushtueshem, rreth 26 milione euro, nga te cilat 2 milione euro jane siguruar nga Universiteti i Tiranes. Per pjesen tjeter, pritet dhenia e ndihmeses nga qeveria. Sikurse e ka theksuar rektori Kule, ndertimi i ketij kampusi eshte i domosdoshem dhe do te zgjidhte nevojen per auditore. Rektori Dhori Kule i beri keto deklarata gjate perurimit te nje laboratori ne Fakultetin Ekonomik, i cili do te ndihmoje ne kerkimin shkencor te te rinjve. Sipas projektit, te gjithe studentet e fakulteteve te ketij institucioni mendohet qe te grumbullohen se bashku ne nje kampus universitar bashkekohor. Per kete mendohet qe te perdoret hapesira qe ofron fusha aktuale e sportit prane "Qytetit Studenti". Rektori i UT-se, Dhori Kule, ka deklaruar se kampusi studentor eshte zgjidhja afatgjate, me standarde bashkekohore te infrastruktures. Ai ka konfirmuar se eshte pergatitur studimi urbanistik pjesor i kampusit qe parashikon mjedise studimi per mbi 12 mije studente te rinj. "Kjo ndertese do te jete e nivelit dhe formatit cilesor nderkombetar dhe fatmiresisht eshte i zgjidhur problemi i prones, pasi eshte ne zonen universitare te UT-se, sikurse jane dhe mjediset sportive ne 'Qytetin Studenti'", - eshte shprehur Kule pak kohe me pare. Lidhur me financimin e ketij projekti, vete Universiteti i Tiranes do te kontribuoje me te ardhurat dytesore. Por, nderkohe, mendohet se do te shfrytezohet edhe nje bashkepunim i mundshem me donatore per realizimin e ketij. Gjithashtu, pritet edhe nje reagim zyrtar nga vete Kryeministri Berisha dhe ndihma konkrete qe qeveria qe ai drejton do te marre persiper te ofroje per kete kampus universitar. Treguesit teknike te projektit te Kampusit Studentor te UT-se nga drejtuesit e institucionit vleresohen si zgjidhja finale e problemeve te infrastruktures dhe ambienteve, me te cilat perballet aktualisht institucioni. Sipas planit urbanistik pjesor, Kampusi Studentor i UT-se do te jete me 5 kate, me siperfaqe ndertimi mbi toke prej 32.536 m2, ku zona sportive do te zere nje siperfaqe prej 13.150 m2. Kampusi do te kete nje palester (1 890m2, fushe minifutbolli (1 600m2), fushe tenisi (1 040m2), fushe basketbolli (1 260 m2) dhe piste vrapimi (1 540m2 m2). Nuk do te mungojne as rruget automobilistike, ku do te perfshihen trotuare, rruge kembesoresh dhe sheshe gjelberimi.