Maturantet: Alterteksti na ngaterron per veprat qe duhet te lexojme Luljeta Ndoka
Programi orientues i Letersise qe do te jepet si provim me detyrim nga te gjithe maturantet, duket se po sjell shume probleme ne shkollat e mesme. Te pakten keshtu pretendojne disa nxenes gjimnaziste qe do t'u nenshtrohen provimeve te Matures Shteterore. Sipas tyre, fakti se aktualisht po zbatohet Alterteksti ka sjelle shume amulli ne shkolla. Kjo per fakt se ne disa shkolla jane disa vepra letrare te planifikuara, e ne disa shkolla te tjera, jane vepra te tjera. Megjithate, specialiste te Institutit te Zhvillimit te Arsimit shprehen se Alterteksti nuk perben aspak problem ne sistemin tone arsimor. "Tekstet alternative funksionojne edhe ne vende te tjera te botes, dhe kjo nuk ka perbere shqetesim. Por, duket se maturantet duan qe ne programet orientuese t'u percaktohet fragmenti letrar, ne menyre qe ata ta mesojne permendesh", - shprehen specialistet. Por, maturantet nuk do ta kene me kete mundesi qe te mesojne permendesh, duke qene se ne programet orientuese kerkohet te lexohet vepra si e tere dhe jo vetem fragmentet. Specialistet e Institutit te Zhvillimit te Arsimit pohojne se sipas rregullores, "nxenesit duhet qe te lexojne jo me pak se 5 vepra letrare ne vit", cka do te thote se ata qe e kane deshiren dhe vullnetin mund te lexojne sa te duan, por minimumi i ketyre veprave duhet te jete 5 te tilla. "Teksti, me fragmentet qe ka, i jep mundesine maturantit qe te jete me aktiv. Duhet te kuptojme se nuk kerkohet qe te mesohet e gjithe vepra, por elementet baze te saj. Behet fjale per figurat letrare, elementet e tij e keshtu me radhe. Mund te thuhet se programi i Letersise i jep celesin maturantit qe te jete nje lexues aktiv", - thone specialistet. Ne thelb, programet e reja nxisin qe te nxjerrin tek maturantet formimin letrar qe ata kane, dhe jo te mesojne permendesh. Por, duket se maturantet nuk e perceptojne keshtu. Ata e shohin te arsyeshme qe ne programet orientuese te jepet fragmenti i vepres, gje qe u leverdis dhe ua ben me te kollajte punen. "Kete vit e kemi lemsh dhe shpeshhere nuk i kuptojme procedurat qe ndjekim. Ky vit per ne eshte vit eksperimental. Nga programi i ri, me shume hasim probleme dhe veshtiresi tek Letersia Shqipe. Kemi shume libra, 45 libra ne provim dhe kemi tema, te cilat nuk i kemi pare ndonjehere me perpara. Ne bejme 1-2 ore ne jave konsultime ne letersi dhe 2 ore konsultimi ne matematike, ndersa per lendet me zgjedhje bejme nga 1 ore ne jave", - shpjegojne nxenes te shkollave te ndryshme ne kryeqytet.