"Kandidat ne BE, vitin e ardhshem"
Shqiperia pritet qe vitin e ardhshem te kerkoje statusin e vendit kandidat, prane Bashkimit Evropian. Nje fakt te tille e ka pranuar dje kryeministri Berisha, gjate nje konference te perbashket per shtyp me kryeministrin e Malit te Zi, Milo Gjykanovic, duke i dhene ne kete menyre fund, te gjitha hamendjeve te opozites ne lidhje me zvarritjen e nje kerkese te tille. Sipas kreut te ekzekutivit, ishte Progres-Raporti i Bashkimit Evropian, i paraqitur pak dite me pare ne vend, ai qe e beri Shqiperine optimiste, per ta hedhur kete hap te rendesishem. "Vitin qe vjen Shqiperia mund te paraqese kerkesen per statusin e vendit kandidat ne Bashkimin Evropian. Progres -Raporti i Brukselit i la dyert plotesisht te hapura, per paraqitjen ne kohen e duhur te kerkeses per statusin e kandidatit", deklaroi Berisha ne perballjen e djeshme me mediat, ne krah te kryeministrit malazez. Por, sipas kryeministrit, aplikimi per statusin e vendit kandidat nuk eshte vetem ne doren e Shqiperise, por varet edhe nga vullneti i vete Komisionit Evropian. Gjate konferences se perbashket per shtyp mes dy kryeministrave, u shpreh edhe vullneti per intensifikimin e marredhenieve, sidomos atyre ne aspektin ekonomik. Berisha deklaroi se qeveria shqiptare do te jepte lehtesite e nevojshme per ndertimin e autostrades Adriatiko-Joniane, e cila do te lidhte me shume dy vendet, i vendosjes se lidhjeve detare Durres-Tivar dhe vendosja e linjes ajrore Tirane-Podgorice. Po keshtu kryeministri shqiptar, foli edhe per projekte te tjera te perbashketa, per sa i perket anes infrastrukturore. "Qeveria shqiptare eshte e angazhuar per t'i krijuar qeverise malazeze te gjitha lehtesite e nevojshme per autostraden Podgorice-Plave, e cila ne disa kilometra te saj, kalon permes territorit shqiptar", deklaroi Berisha. Po keshtu, kryetari i qeverise theksoi se po ecet me shpejtesi ne drejtim te permiresimit te infrastruktures qe lidh dy vendet, si rruga Shkoder-Hani i Hotit, Shengjin-Ulqin dhe Vermosh-Shkoder. Kryeministri i Malit te Zi zhvilloi edhe nje takim me Presidentin Bamir Topi ne Pallatin e Brigadave. Gjate takimit, Topi vuri ne dukje se projekte me interes te ndersjellet jane edhe bashkepunimet ne fushat e arsimit, bujqesise, sigurise dhe rendit publik, mbrojtjes, punes dhe ceshtjeve sociale, infrastruktures nderlidhese turistike dhe telekomunikacionit. Po keshtu ne fjalen e tij Topi nenvizoi se nenshkrimi i projekt-marreveshjeve ne proces, do te nxisnin zhvillimin e metejshem te vendeve tona, per te krijuar nje rajon me standarde evropiane. Po dje kryeministri malazez, zhvilloi edhe nje takim me kryetaren e Kuvendit, Jozefina Topalli, ku u diskutua edhe per intensifikimin e metejshem te marredhenieve mes dy vendeve. Fatjona Mejdini