Kapen dy persona, rrahen rojen e firmes

Dy persona kane rene ne pranga per vepren penale te "plagosjes me dashje". Marsel Marku, 37 vjec, lindur dhe banues ne Domje dhe Spartak Boshani, 36 vjec, lindur dhe banues ne Korce, dyshohet se ne bashkepunim me njeri-tjetrin kane plagosur me mjete te forta, duke i shkaktuar demtime trupore shtetasit Ramadan Muratit, 25 vjec banues ne Domje. Sipas burimeve, Murati ka qene roje ne firmen "Met Enko", ne superstrade, kur eshte konfliktuar edhe me dy shtetasit. Keta te fundit pas zenkes dyshohet se kane demtuar edhe xhamat e fasades se kesaj firme. Nga hetimet e para, dyshohet se Marku dhe Boshani jane autore te disa vjedhjeve te ndodhura ne kete zone, ndersa dyshohet se ata kishin shkuar ne firme per te vjedhur, por jane diktuar nga roja. Policia informoi se po punohet per zbardhjen dhe dokumentimin ligjor te disa vjedhjeve, te ndodhura ne keto zona, ku dyshohet se dy te arrestuarit jane autoret e tyre. Materialet hetimore ne ngarkim te tyre, i kaluan per hetime te metejshme Prokurorise se Tiranes. Mbi Markun dhe Boshanin, jane ngritur akuzat e "plagosjes se lehte me dashje" dhe "shkaterrimit te prones".