Kapllani i shenon Karlsruhes por Paderborni nuk perfiton

Edmond Kapllani ka shenuar golin e pare per kete sezon me fanellen e Paderbornit. Sulmuesi i Kombetares shqiptare gjeti rrugen e rrjetes ne sfiden e luajtur ne fushen e Karlsruhes megjithate ekipi i tij nuk arriti te perfitonte per te marre te pakten nje pike. Ndeshja perfundoi me rezultatin 2-1 per vendasit nderkohe qe goli i kuqeziut erdhi ne te 37-en vetem 9 minuta pasi Karlsruhe kishte zhbllokuar rezultatin fale nje autogoli te Brekner. Kapllani perfitoi nga nje top i gjate i mbrojtjes se Paderbornit dhe me potencen e tij ka arritur te evitoje nderhyrjet e kundershtareve pa hyre ne zone shqiptari leshoi nje goditje potente duke i shenuar ne kete menyre ish-skuadres se tij qe gjate veres u shfaq e interesuar per ta afruar ne forme huazimi. Rrjeta e fitores per Karlsruhen u realizua nga Iashvili me 11-metersh ne te 89-en ndersa Kapllani u zevendesua ne minuten e 85-te te takimit.