Nuk paguajne taksat gjobiten tregtaret e tregut industrial
Perfshirja e tregtareve te tregut industrial ne listat e biznesit te vogel ka bere qe se fundmi autoritetet e tatim-taksave ne kete qytet te vendosin gjoba per ata drejtues biznesesh qe nuk kane shlyer detyrimet tatimore pasi nuk pranojne te njihen ligjerisht si biznese te vegjel por thjesht si tregtare ambulante.
Burime prane Zyres se Tatim-Taksave ne Berat bejne me dije se dhe me ligjet e reja mbi aktivitetet private tatohen si biznese te vegjel dhe tregtaret ambulante qe kane dyqane prane tregut industrial ne kete qytet. Jane me qindra te tille ne tregun industrial ambulant ne Berat pronaret e te cileve pervecse tregtojne ne treg disponojne dhe dyqane cka sipas deges se Tatim-Taksave i perfshin ata kategorikisht ne listat e bizneseve te vogla. Me kete status keto biznese pervecse duhet te paguajne detyrimet lokale te bashkise duhet te paguajne edhe prane deges se Tatim-Taksave detyrimet sipas ligjit.
Por tregtaret qe ushtrojne aktivitetin prane tregut industrial me dyqane nuk kane pranuar te perfshihen ne radhet e bizneseve duke mos paguar ne kete menyre dhe detyrimet. Disa muaj me pare ata zgjodhen rrugen e protestave per te kundershtuar perfshirjen si biznese te vegjel gje e cila nuk e zgjidhi problemin e tyre. Vetem ne dy ditet e fundit punonjes te Tatim-Taksave kane ushtruar kontrolle dhe kane vendosur gjoba tek tregtaret ambulante qe sipas deges se Tatim-Taksave pretendojne te jene te tille por jane kapur ne flagrance duke ushtruar aktivitetin jo ne treg por ne dyqanet qe disponojne. Menjehere pasi eshte konstatuar shkelja tatimoret kane vendosur gjoba per 50 tregtare te vegjel me nje shume prej pese mije lekesh. Nese kjo shkelje do te vazhdoje mesohet se do te kete sanksione te tjera sipas ligjit. Nga ana e tyre tregtaret ankohen se dyqanet qe ata disponojne nuk duhen konsideruar si te tille por thjesht si magazina dhe kjo u heq atyre detyrimin per tu tatuar si biznese te vegjel.