Kapshticë, sekuestrohet 20 kg drogë

Drogë e paketuar, foto arkiv

Është sekuestruar rreth 20 kg lëndë narkotike, të llojit kanabis sativa, në pikën kufitare të Kapshticës.

Policia bën me dije se droga u sekuestrua mëngjesin e sotëm gjatë një kontrolli të ushtruar në mjetin me targa AA 908 CR.

Mësohet se lënda narkotike ishte fshehur në shasinë e automjetit dhe kishte si destinacion shtetin grek.

Policia ka arrestuar drejtuesin e mjetit, Sopot Sejdiu, si dhe personin tjetër që udhëtonte me të, Naser Bajrami nga Kosova.

Ndërkaq policia po punon për zbulimin e një rrjeti të mundshëm të trafikimit të drogës. /E.L/