Karamanlis dhe Putin flasin per Kosoven
Tema e Kosoves ishte nje nga temat kryesore te takimit te kryeministrit grek Karamanlis me presidentin rus Putin ne Kremlin. Putin eshte mjaftuar te thote “patem nje konsensus perqasjesh” ashtu si edhe kryeministri grek. U evitua keshtu çdo publikim i pezmatimit te perfolur te Rusise per distancimin e Greqise nga bashkerendimi i saj fillestar me Mosken kunder pavaresise dhe gjithçka u kufizua ne deklaratat e Karamanlis ne median ruse se Athina eshte per nje “legjitimitet nderkombetar mundesisht sa me te gjere” dhe “qendrim unik europian”. Ky ishte takimi i peste gjate 3 viteve e gjysme dhe synim kryesor duket te jete karakteri strategjik i marredhenieve greko-ruse, per te cilen Putin ka vleresuar kontributin e Karamanlis, ndersa ky i fundit u eshte pergjigjur edhe verejtjeve te Brukselit per afrim te tepruar midis dy vendeve. “Marredheniet shume te mira me Rusine jane te dobishme per vendin tim dhe tek e fundit te dobishme dhe per Europen”, - nuk ka ngurruar te thote kryeministri grek. Ai theksoi se Greqia operon brenda “kuadrit te politikave komunitare”, por ne marredheniet bilaterale shikon interesin e saj kombetar. Ndersa Putin ka vleresuar traditen kulturore dhe vlerat e Greqise, duke nenvizuar perfitimet europiane nga bashkepunimi i ngushte greko-rus ne fushen e energjise por edhe shqetesimin rus per permbysjet ne “arkitekturen” e sigurise dhe zhvillimit global. Afrimi i madh greko-rus vazhdon te shihet nderkohe me rezerva nga Brukseli.
20 Dhjetor 2007