Kartat e identitetit, Vasili: Qeveria të ofrojë zgjidhje radikale

Sekretari i Përgjithshëm i Lëvizjes Socialiste për Integrim Petrit Vasili u shpreh në një konferencë për shtyp se qeveria duhet të ofrojë zgjidhje radikale përfundimtare për procesin e kartave të identitetit. Sipas Vasilit deklarata e qeverisë për uljen e çmimit të kartave të identitetit është shumë konfuze prandaj duhet që shteti të japë karta falas për shtresat në nevojë duke gjetur mekanizma që paratë të merren në një kohë të dytë nga qytetarët.