Prefekti: Mungoi më shumë se 3 muaj, çështja në gjykatë
30/03/2009 Shkarkimi i kryebashkiakut të Roskovecit
FIER- Mungesa për më shumë se tre muaj e kryetarit të Bashkisë Roskovec, Ylli Kola, ka detyruar institucionin e prefekturës Fier të mbledhë në një mbledhje të jashtëzakonshme Këshillin Bashkiak. Qëllimi ishte për të shkarkuar kryetarin dhe zgjedhjen e një tjetri sipas ligjit. Por këshilltarët votuan dhe hodhën poshtë propozimin e prefektit të Fierit Shahin Bejdaj. Çështja do të kalojë në gjykatë. Bashkia e Roskovecit ka më shumë se 8 muaj që drejtohet nga një zëvendëskryetar. Kjo për arsye se kryetari i zgjedhur i kësaj bashkie Ylli Kola për arsye shëndetësore nuk është paraqitur ne zyrat e saj. Kështu shumë vendime janë marrë pa prezencën e tij duke krijuar edhe ndonjë rast edhe probleme në vendimmarrje për çështje të rëndësishme sociale që ka kjo bashki. Lidhur me këtë situatë prefekti i Fierit si institucion ligjor pranë Kryeministrit ka mbledhur në një mbledhje urgjente Këshillin Bashkiak dhe administratën e kësaj bashkie me qëllim për të parë se si do të procedohet mbas mungesës së gjatë të kryetarit të bashkisë. Në këtë mbledhje u shqyrtua mungesa e gjatë mbi tre muaj e kryetarit të Bashkisë së Roskovecit. Në bazë të ligjit kryetari i bashkisë duhet të fillojë procesin e shkarkimit nga detyra për shkak se e ka tejkaluar afatin e një mungese të pandërprerë mbi tre muaj. Pikërisht për këtë është thirrur edhe mbledhja e këshillit të bashkisë sepse në bazë të ligjit të pushtetit vendor neni 42 duhet të propozojë Këshilli i Bashkisë shkarkimin, ndërkohë të drejtën e vendimmarrjes të shkarkimit e ka Këshilli i Ministrave. Me kërkesën e prefektit u thirr mbledhja e jashtëzakonshme e Këshillit Bashkiak. Pas diskutimesh dhe debatesh të ashpra pro dhe kundër për shkarkim me votim të fshehtë, këshilli vendosi të mos miratojë shkarkimin e kryetarit të bashkisë. Në këto kushte në bazë të ligjit për prefektin ky vendim do të vi në institucionin e prefektit për të marrë vendim ligjor dhe prefekti ka të drejtën të kthejë për rishqyrtim ose ta çojë direkt në gjykatë si një vendim të pabazuar në ligj.
FIER- Mungesa për më shumë se tre muaj e kryetarit të Bashkisë Roskovec, Ylli Kola, ka detyruar institucionin e prefekturës Fier të mbledhë në një mbledhje të jashtëzakonshme Këshillin Bashkiak. Qëllimi ishte për të shkarkuar kryetarin dhe zgjedhjen e një tjetri sipas ligjit. Por këshilltarët votuan dhe hodhën poshtë propozimin e prefektit të Fierit Shahin Bejdaj. Çështja do të kalojë në gjykatë. Bashkia e Roskovecit ka më shumë se 8 muaj që drejtohet nga një zëvendëskryetar. Kjo për arsye se kryetari i zgjedhur i kësaj bashkie Ylli Kola për arsye shëndetësore nuk është paraqitur ne zyrat e saj. Kështu shumë vendime janë marrë pa prezencën e tij duke krijuar edhe ndonjë rast edhe probleme në vendimmarrje për çështje të rëndësishme sociale që ka kjo bashki. Lidhur me këtë situatë prefekti i Fierit si institucion ligjor pranë Kryeministrit ka mbledhur në një mbledhje urgjente Këshillin Bashkiak dhe administratën e kësaj bashkie me qëllim për të parë se si do të procedohet mbas mungesës së gjatë të kryetarit të bashkisë. Në këtë mbledhje u shqyrtua mungesa e gjatë mbi tre muaj e kryetarit të Bashkisë së Roskovecit. Në bazë të ligjit kryetari i bashkisë duhet të fillojë procesin e shkarkimit nga detyra për shkak se e ka tejkaluar afatin e një mungese të pandërprerë mbi tre muaj. Pikërisht për këtë është thirrur edhe mbledhja e këshillit të bashkisë sepse në bazë të ligjit të pushtetit vendor neni 42 duhet të propozojë Këshilli i Bashkisë shkarkimin, ndërkohë të drejtën e vendimmarrjes të shkarkimit e ka Këshilli i Ministrave. Me kërkesën e prefektit u thirr mbledhja e jashtëzakonshme e Këshillit Bashkiak. Pas diskutimesh dhe debatesh të ashpra pro dhe kundër për shkarkim me votim të fshehtë, këshilli vendosi të mos miratojë shkarkimin e kryetarit të bashkisë. Në këto kushte në bazë të ligjit për prefektin ky vendim do të vi në institucionin e prefektit për të marrë vendim ligjor dhe prefekti ka të drejtën të kthejë për rishqyrtim ose ta çojë direkt në gjykatë si një vendim të pabazuar në ligj.