Kasat dhe reklamat ligji vjen ne Kuvend
Qeveria ka derguar ne Kuvend propozimet per ndryshimin e ligjit per taksat vendore te cilat mundesojne subvencionimin e kostos se kasave fiskale per bizneset e vogla.
Projektligji i miratuar ne fund te muajit shtator pas protestave te pronareve te bizneseve te vogla ka mberritur dje ne Kuvend dhe pritet te shqyrtohet nga Komisioni i Ekonomise per te kaluar me pas per votim ne seance plenare.
Krahas subvencionimit te kostos se kasave fiskale per bizneset e vogla propozimet e qeverise kane te bejne edhe me disa ndryshime ne taksat e tabelave te cilat vilen nga pushteti lokal.
Pas protestave disa ditore te tregtareve te tregut industrial prane Medresese ne Tirane per cmimin e kasave fiskale qeveria vendosi subvencionimin e kostos se tyre me nje vlere prej 44 mije lekesh per te gjitha ato pajisje qe do te blihen para fundit te shkurtit te vitit te ardhshem.
Shuma qe do te subvencionohet do te perfshije vleren e pajisjes pa TVSH. Pergjithesisht kasat qe qarkullojne sot ne treg kane nje cmim minimal jo me pak se 420 euro bashke me sherbimet e mirembajtjes.
Duke krahasuar cmimet minimale dhe shumen qe parashikohet te subvencionohet qeveria do te lidhe marreveshje me kompanite qe furnizojne tregun me pajisje fiskale per te futur kasa me cmime me te uleta deri ne 53 mije leke perfshire TVSH-ne.
Pjese e subvencionimit do te jene edhe pronaret e taksive ne Tirane dhe Durres te cilet kane blere taksimetrat. Shuma e subvencionuar per taksimetrat do te jete 30 mije leke. Ne total kostoja e kompensimit te cmimit te kases fiskale per bizneset e vogla do ti kushtoje buxhetit te shtetit rreth 2.3 miliarde leke.
Taksat
Ne ndryshimet e propozuara qeveria ka gjetur vend te rishikoje percaktimin per tabelat e identifikimit per bizneset si dhe reklamat. Ekzekutivi i eshte referuar nje keqkuptimi qe sipas saj i bejne ligjit bashkite dhe komunat duke iu vjelur taksa bizneseve per tabelat e identifikimit sikur ato te ishin tabela reklame nderkohe qe ligji nuk ua lejon.
Pas hyrjes ne fuqi te ketyre ndryshimeve bizneset do te paguajne 120 leke per meter katror per tabelat e identifikimit. Per sa i perket reklamave ato do te taksohen deri ne nje nivel tavan qe eshte 18 meter katror. Per Tiranen nje meter katror do te taksohet me 45 mije leke ne vit ndersa per rrethet qe jane qender qarku 22 mije e 500 leke.