Katastrofa në Pakistan, Franca dërgon një avion me ndihma

Lajmi u konfirmua nga Ministria e Jashtme franceze. Me anë të një komunikate për mediat, ministria bëri të ditur se do të dërgojë një avion me 60 ton ndihma humanitare, në përgjigje të kërkesave të Pakistanit dhe Kombeve të Bashkuara.

“Duke patur parasysh situatën jashtëzakonisht të rëndë, Bernard Kushner vendosi dërgimin e një avioni që do të transportojë 60 tonë ndihma humanitare, në përgjigje të kërkesave të bëra nga Pakistani dhe Kombet e Bashkuara”, thuhet mes të tjerash në njoftimin e Ministrisë së Jashtme të Francës.