Kategoria e Parë. Laçi shkatërron SkënderbeunLaçi shkatërroi 4-1 Skënderbeun në ndeshjen më të rëndësishme të javës së 20-të të Kategorisë së Parë, duke ngushtuar diferencën në një pikë me korçaret, që vazhdojnë të kryesojnë me 43 pikë. Kastrio
Laçi shkatërroi 4-1 Skënderbeun në ndeshjen më të rëndësishme të javës së 20-të të Kategorisë së Parë, duke ngushtuar diferencën në një pikë me korçaret, që vazhdojnë të kryesojnë me 43 pikë.
Të gjitha golat e supersfidës u shënuan nga lojtarët laçjanë të drejtuar nga Edi Martini, edhe pse një ishte autogol ne favor të Skënderbut. Kjo ishte humbja e parë e trajnerit të Skënderbeut, Indrit Fortuzi, qysh kur ai morri drejtimin e skuadrës korçare.
Kastrioti fitoi 1-0 me Dajtin, falë një goli të realizuar nga Olsi Gocaj në minutën e 10-të. Besëlidhja fitoi po me këtë rezultat me Naftëtarin.
Burreli mposhti me rezultatin e thellë 3-0 Gramozin e Ersekës, duke e futur në krizë skuadrën kolonjare. Golat për burrelasit u realizuan nga Radaj, Gjoka (11-m) dhe Baku.
Ada fitoi në Velipojë 2-1 me Sopotin e Librazhdit, e po me këtë rezultat Bilisht Sport fitoi derbin me Pogradecin.
Luftëtari humbi 1-0 me Turbinën e Cërrikut në ndeshjen e zhvilluar në Tepelenë.
Takimi Skrapari-Tërbuni nuk u zhvillua, pasi Tërbuni i Pukës u përjashtua përfundimisht nga vazhdimi i kampionatit për shkak të dhunës ndaj gjyqtarit Mentor Sopjani në ndeshjen Kastrioti (1-1) në javën e 19-të. Sipas rregullores së FSHF-së, Skrapari e fitoi ndeshjen 2-0 në tavolinë.
KATEGORIA E PARË
JAVA 20
04.02.2009
Besëlidhja- Naftëtari 1-0
Luftëtari-Turbina 0-1
Burreli-Gramozi 3-0
Laçi-Skënderbeu 4-1
Kastrioti-Dajti 1-0
Bilisht Sport-Pogradeci 2-1
Ada-Sopoti 2-1
Skrapari-Turbina* 2-0
* Fitore në tavolinë
RENDITJA
1. Skënderbeu 43
2. Laçi 42
3. Kastrioti 38
4. Gramozi 34
5. Burreli 32
6. Dajti 29
7. Tërbuni* 27
8. Turbina 27
9. Luftëtari 26
10. Skrapari 25
11.Sopoti 25
12.Besëlidhja 24
13.Ada 23
14.Pogradeci 20
15.Bilisht Sport 18
16.Naftëtari 16
* Tërbuni është përjashtuar nga kampionati
E Merkure, 04 Mars 2009