Kejt Midëllton bën "prova" për mbretëreshë

E fejuara e princit Uilliam fillon "udhën" drejt fronit. "Mos më thërrisni Kejt, emri im është dhe ka qenë gjithnjë, Katerinë", ka thënë ajo. Nëse gjithçka do të shkojë mirë, atëherë ky emër do të stampohet mbi porcelanë, kartolina dhe libra historie. Dhe Kejt Midëllton nuk ka ndër mend të bëjë hapa të gabuar. Dhe në fakt, emri Katerinë është shumë më zyrtar nga ai që përdorin tabloidët, Kejt dhe i ka rrënjët thellë në historinë e monarkisë, të të gjitha kohërave.