"Kemi nevoje per pajisje teknike bashkekohore"

Efektivat e Policise per Mbrojtjen nga Zjarri dhe Shpetimi ne Qarkun e Gjirokastres, kane shprehur nevojen e pajisjes me infrastrukture teknike bashkekohore, ne sherbim te operacioneve te kerkim-shpetimit, ne rastet e emergjencave civile. "Gjate vitit qe lame pas, efektivat zjarrfikese ne rrethet e Permetit, Tepelenes dhe Gjirokastres jane perballur me nje sere ngjarjesh, jo vetem per shuarjen e zjarreve por edhe shpetimin e jetes se popullates, sic ishte rasti i njerezve te nxjerre gjalle nga rrenojat gjate shembjes se pallatit pesekatesh ne qytetin e Gjirokastres", thote shefi i zjarrfikesve te Qarkut, Lefter Qirici. Po ashtu sqaroi se: "Situatat me te cilat jemi perballur kane nxjerre si domosdoshmeri sigurimin e nje infrastrukture teknike bashkekohore, per realizimin me sukses te operacioneve te kerkim-shpetimit. Aktualisht ne kemi vendosur kontakte me koleget tane, ne vende te tjera si Danimarke, Hollande apo Greqi, ne drejtim te sigurimit te pajisjeve teknike bashkekohore, per ndermarrjen e operacioneve te ndryshme gjate emergjencave civile", vazhdoi ai.

Blerim Kore