Kërkohet ndërprerja e procesit të privatizimit të PTK-së

Kryetari i Kuvendit Jakup Krasniqi, ka pritur një delegacion të Sindikatës së Pavarur të PTK-së.

Sindikalistët e PTK-së, i kanë dorëzuar kryekuvendarit Krasniqi një peticion, të nënshkruar nga punonjës të njësive të PTK-së, nëpërmjet të të cilit kërkohet ndër të tjera të ndërpritet procesi i privatizimit të PTK-së, derisa të mos miratohet Ligji i Punës dhe ai për veprimin sindikal nga Kuvendit të Kosovës, ka bërë të ditur Zyra e informacionit të Kuvendit.

Sipas komunikatës, kreu i legjislativit të vendit, Krasniqi, ka theksuar se i kupton shqetësimet e punonjësve.

Ndërsa ka premtuar se miratimi i Ligjit të Punës do të aprovohet brenda këtij viti. (Kosovapress)