Keshilli Bashkiak i Korces, mocion mosbesimi drejtuesve

Grupi i keshilltareve te djathte ne keshillin bashkiak te Korces, permes nje kerkese te firmosur nga 12 keshilltare, ka paraqitur nje mocion mosbesimi per kryesine e keshillit. Kete kerkese ata ua dorezuan dje kryetareve te grupeve te keshilltareve. Permes saj kerkohej organizimi i nje mbledhjeje jashte radhe te Keshillit Bashkiak per te diskutuar veprimtarine e kryesise, per te cilen jane treguar kritike. Sipas tyre, kryesia e keshillit ne veprimtarine e tij drejtuese kohet e fundit ka qene ne momente coroditese. Sipas kryetarit te grupit te keshilltareve te djathte, Pellumb Beqiri, kjo gje konstatohet ne shkeljet e perseritura te bazes ligjore dhe te rregullores se keshillit, ne mosfunksionimin e komisioneve, ne organizimin e keq te pergatitjes dhe zhvillimit te mbledhjeve, ne mos mbajtjen qendrim ndaj keshilltareve qe kane munguar per muaj te tere ne mbledhje, ne kalimin e fondeve pas kryerjes se veprimtarive te ndryshme, etj. Duke konkluduar se ky keshill eshte perdorur nga pozitat monopol te se majtes, Beqiri kerkoi shkarkimin e kryetares dhe zevendeskryetarit te keshillit, zgjedhje te drejtuesve te rinj, ndryshimin e perfaqesuesve te Keshillit te Bashkise ne Keshillin e Qarkut. Gjate javeve te fundit ka pasur edhe levizje keshilltaresh nga nje krah ne tjetrin duke rrezikuar prishjen e ekuilibrit, 18 keshilltare te majte dhe 17 te djathte.

D. Zisi