Këshilli Kombëtar i Partisë Demokratike analizon 8 majin, Berisha: “Aleanca për Qytetarin” arriti një fitore historike

Kryeministri Sali Berisha deklaroi sot gjatë mbledhjes së Këshillit Kombëtar të Partisë Demokratike se, “8 maji shënoi fitoren më të thellë për Partinë Demokratike, ku kurora e fitores ishte kryeqyteti”. Sipas kreut të qeverisë, zgjedhjet vendore të 8 majit dëshmuan kulturën demokratike. Në këtë analizë, kreu i PD-së, tregoi se prova e qartë e fitores ishte vota, ku me një diferencë të thellë, mazhoranca ka tërhequr 219 komuna e Bashki, kundrejt Partisë Socialiste me 149, komuna e Bashki. “Jemi mbledhur sot pas përfundimit të zgjedhjeve në 8 korrik, për një analizë të këtyre zgjedhjeve në tërësi për zgjedhjen e kryesisë së PD-së. Më 8 korrik, përfundoi procesi i zgjedhjeve vendore 8 maj 2011, për PD-në, aleatët e saj, por për Shqipërinë dhe mbarë shqiptarët ky ishte procesi me i bukur. Zgjedhjet e 8 majit treguan fitoren e katërt të radhës të PD-së dhe aleatët e saj, pas fitores në vitet 2005, 2007, 2009, erdhi dhe kjo si një kurorë, fitore elektorale e shkëlqyer. Zgjedhjet vendore të 8 majit, janë zgjedhjet në të cilët qytetarët shqiptarë votuan më masivisht se kurrë. Në zgjedhjet vendore votuan më shumë se 15 vitet e marra masivisht, të sigurt dhe më me dinjitet se kurrë në historinë shqiptare. Zgjedhjet vendore të 8 majit, ishin provë e madhe e besimit dhe vlerësimit të qytetarëve për projektin e tyre, vend i zhvilluar. Në 8 maj 2011, PD dhe aleatët e saj të “Aleancës për qytetarin”, shënuan në rrafshin e certifikimit të qeverisjes së tyre, një fitore shumë planëshe më të thellë të zgjedhjeve vendore”- u shpreh Berisha.  Sipas tij, “8 maji, dëshmoi 43 mijë vota më shumë”, ndërsa vuri në dukje se forca kundërshtare u mundua të shkelte të drejtat dhe vullnetin e qytetarëve, duke akuzuar njëkohësisht dhe institucionet e pavarura. Berisha e hapi mbledhjen duke mbajtur një minutë heshtje në kujtim të viktimave të dy atentateve në Norvegji, i cili u përball me dy sulme terroriste. Demokratët zgjodhën kryesinë e përberë nga 25 anëtarë. Në këtë listë, 8 persona do të jenë gra dhe 16 burra. Kryeministri shtoi se ky raport është i pandryshueshëm.