Keshillohet levizje ne orarin e pasdites

Kontingjenti me i rrezikuar nga temperaturat e larta dhe ndryshimet e tyre jane te moshuarit dhe sidomos ata qe kane probleme kardiake, te hipertensionit apo semundjeve kronike. Duke pare rastet qe vijne ne rritje nga dita ne dite, mjeket japin edhe keshillat qe keta persona duhet te ndjekin dhe jane pikerisht evitimi i daljeve ne oret e pikut te vapes, higjiena personale ajo e ambientit, ushqimi dhe uji. "Per ne eshte e rendesishme qe ky kontingjent njerezish te mos frekuentoje ambientet e jashtme dhe daljet pikerisht ne oraret e pikut te diellit, por nuk do te thote se ne oret e para te mengjesit apo te pasdites te dilet ne diell. Eshte e rendesishme qe ne keto ore te dilet ne ambientet me hije", pohojne mjeket specialiste. Goditjet nga dielli i forte jane edhe rastet te cilat hasen cdo dite ne qendrat shendetesore te vendit. Per kete, nje mase e madhe fletepalosjesh jane shperndare te qytetaret, ku thuhet se goditjet e diellit shkaktojne dhimbje koke shume te forta, skuqje te fytyres, dhimbje te syve, humbje ndjenjash, konvulsione, eksitim nervor dhe jo rralle vdekjen. Po keshtu, ne keto udhezime keshillohet konsumimin e sa me shume lengjeve pa permbajtje kafeine, alkooli dhe sheqeri, qendrimin ne ambiente me ajer te kondicionuar, banja te shpeshta me uje te vaket. "Gjithmone kur ka luhatje te temperaturave sidomos rritje te tyre, ka flukse te shumta te personave qe kane probleme kronike, por edhe te atyre me probleme jo kronike. Vapa rendon shume organizimin dhe sidomos pjeset kardiovaskulare, qe jane zemra, enet e gjakut. Ketu do te thosha qe ata qe e vuajne me teper jane pacientet kronike qe vuajne nga tensioni ose nga zemra", kane theksuar mjeket. Sipas tyre, keto raste jane ata qe kane rritje tensioni, dhimbje koke, probleme te crregullimit te zemres, te ritmit, dhimbje te gjoksit.