"Perfshirja ne liste te garantoje 30% gra fituese"

Pjesemarrja e gruas ne Kuvendin e ri do te perfshije 30 per qind te perberjes se tij. Nje saktesim i tille pritet te implementohet ne kodin e ri elektoral. Madje, nje hap i tille pritet te ndermerret shume shpejt, pasi vetem pak dite me pare ligjvenesit shqiptare miratuan ne parim ligjin per barazine gjinore. Por, duke qene se ai eshte nje ligj i pergjithshem, ne kete rast, pra sa i takon kodit zgjedhor, do te duhet te saktesohet vetem ceshtja e shkalles se perfaqesimit te gruas ne legjislativ. E, me sa duket, jane socialistet ata, te cilet do te marrin te paret nismen ne lidhje me rritjen e perfaqesimit te grave ne vendimmarrje. Mesohet se kupola roze do te hartoje nje formule, lidhur me pergatitjen e listave shumemerore te kandidateve per deputete, sipas te ciles, te mund te arrihet qe 30 per qind e konkurrenteve gra te mund te perzgjidhen per te qene pjese e legjislativit te ri, ne zgjedhjet parlamentare te vitit 2009. Variantet e mundshme per realizimin e nje perfaqesimi te denje te gruas, jane dy. E para, ne listat renditese te kandidateve per deputete, raporti do te jete nje me nje. Ndersa, varianti i dyte do te parashikoje qe nje nga tre emrat e pare te listes se kandidateve te jete emri i nje gruaje. Propozimet do te kalojne per diskutim ne komisionin e posacem te reformes zgjedhore. Por, cilado nga keto dy mundesi qe te zgjidhet, ajo do te perkthehet ne ligj, e mbi te gjitha secila prej tyre do te sillte dhe nje numer te konsiderueshem te grave ne Parlament, duke iu afruar nje mase prej 30 per qind te perfaqesimit te saj ne kete pushtet. Nderkohe qe ne rast mos rakordimi mes te gjitha partive mbi keto dy alternativa, mund te shtohet dhe nje propozim tjeter, sipas te cilit ne 10 kandidatet e pare te listes renditese, te kete nje kandidate per deputete. Nderkohe qe pjesemarrja e gruas ne Kuvendin e Shqiperise do te sanksionohet ne ligjin elektoral. E per pasoje do te respektohet nga te gjitha partite konkurrente ne zgjedhjet e ardhshme parlamentare. Ne kete menyre, nga deklaratat e leshuara here pas here per rritje te kuotes perfaqesuese te gruas ne legjislativin shqiptar, partite parlamentare shkojne me tej, duke i ngurtesuar ne ligj qendrimet e tyre. Keshtu, kodi zgjedhor per nje ceshtje te tille mund t'i referohet ligjit aktual per perfaqesimin e gruas ne administrate, ose propozimeve te ardhura nga drejtuesit politik, te cilet i perafrohen nje perfaqesimi prej 30 per qind te gruas ne parlament.