Keshilltari i Topit, dhe ambasador ne Sarajeve

Per pese muaj me radhe keshilltari i tij diplomatik ka qene dhe perfaqesues i Shqiperise, jo rezident ne Bosnje-Hercegovine. Dekreti, i papublikuar ne faqen e Presidences
Keshilltari diplomatik i Presidentit Bamir Topi, per pese muaj me radhe ka ushtruar njekohesisht dy detyra te papajtueshme me njera-tjetren. Arben Cici, me dekret te Presidentit Topi, te dates 4 dhjetor, eshte liruar nga detyra e ambasadorit te jashtezakonshem dhe fuqiplote te Republikes se Shqiperise ne Bosnje-Hercegovine, jo rezident per t’i leshuar vendin ambasadorit tone ne Kroaci, Pellumb Qazimi, i cili do te mbuloje dhe Sarajeven si ambasador jo rezident. Nje skandal i tille eshte bere i ditur teksa eshte botuar ne Fletoren Zyrtare, ku eshte bere publik dhe numri i dekretit 5531 i dates 4 dhjetor 2007. Nderkohe qe po te klikosh ne faqen e ristrukturuar te internetit te Presidences te linku “dekretet e Presidentit”, nuk haset ne asnje cep te tij nje dekret i tille qe permban lirimin nga detyra te keshilltarit diplomatik, Arben Cici dhe emerimin ne vend te tij te tij ne postin e ambasadorit jo rezident ne Sarajeve te ish-shefit te Shtabit te Pergjithshem te Ushtrise, gjeneral Pellumb Qazimi. Fshehtesia e dekretimit te lirimit nga detyra e ambasadorit, te keshilltarit Arben Cici duket se perkon me faktin se ai qe prej pese muajsh, me sakte me 29 korrik 2007 ne menyre zyrtare eshte keshilltar diplomatik per Presidentin Topi. Madje, nje gje e tille eshte publikuar dhe ne faqen zyrtare, nderkohe qe dhe gazeta “Koha Jone”, ka qene koherente ne nje speciale te saj mbi te gjithe njerezit qe keshillojne Presidentin Topi, duke publikuar madje te plote dhe jeteshkrimin e keshilltareve, mes te cileve dhe te keshilltarit diplomatik, Arben Cici.
Duke pare me vemendje deklarimin e jeteshkrimit te tij ne faqen zyrtare te Presidences, mesohet se Arben Cici ka vene si sherbim diplomatik ne Bosnje-Hercegovine vitin 2003-2006. Me konkretisht, ne jeteshkrimin e Arben Cicit, keshilltar diplomatik i Presidentit Topi qe eshte ne faqen zyrtare te Presidences shkruhet mes te tjerave se ka qene “Ne vitet 2000-2006, ambasador i Jashtezakonshem dhe Fuqiplote i Republikes se Shqiperise ne Republiken e Kroacise. Nga viti 2003 deri ne 2006, ambasador i Jashtezakonshem dhe Fuqiplote i Republikes se Shqiperise ne Bosnje-Hercegovine (jo rezident). Nga muaji gusht 2006 deri ne gusht 2007, drejtor i Protokollit te Shtetit, Ministria e Puneve te Jashtme. Njohes i mire i disa gjuheve te huaja, autor i disa botimeve studimore-historike”. Kjo eshte dhe nje pjese e jeteshkrimit zyrtar qe tregon periudhen kohore te punesimit te Cicit, i cili dhe ai duket se e ka fshehur faktin se vijonte te qendronte njekohesisht prej pese muajsh dhe ambasador jo rezident ne Bosnje-Hercegovine dhe keshilltar diplomatik i Presidentit Topi.
A.G
Skandali
Arben Cici, keshilltari diplomatik i Presidentit te Republikes, Bamir Topi, me dekretin numer 5532, date 4 dhjetor 2007 te firmosur nga kreu i shtetit shqiptar, eshte liruar nga detyra e ambasadorit te jashtezakonshem dhe fuqiplote te Republikes se Shqiperise (jo rezident) ne Republiken e Bosnje-Hercegovines, duke ia leshuar vendin gjeneral Pellumb Qazimit. Por, paradoksi qendron ne faktin se Cici, me 29 korrik, eshte emeruar keshilltar diplomatik i Presidentit Topi, cka per pese muaj ai ka pasur dy detyra.
Fshehtesia
Dekreti i Presidentit te Republikes, Bamir Topi, qe lironte nga detyra e ambasadorit keshilltarin e tij Cici eshte mesuar vetem pasi eshte botuar ne Fletoren Zyrtare. Ne kete numer eshte botuar dekreti i plote i Topit dhe emerimi i Qazimit, ambasador ne Sarajeve. Nderkohe qe ne faqen zyrtare te internetit te Presidences nuk eshte botuar dhe bere publik nje dekret i tille, pavaresisht se mban daten 4 dhjetor, nderkohe qe ka te botuar dhe dekrete te datave te mevonshme, deri te 13 dhjetorit.