Berisha: Serbia, jo mentalitet kolonial

Fatjona Mejdini
Kryeministri Berisha ka perdorur nje gjuhe te ashper kunder perpjekjeve te Serbise per te mos lejuar pavaresine e Kosoves. I pranishem ne samitin e Partive Popullore Evropiane te mbajtur ne Bruksel, Kryeministri Berisha theksoi se Serbia duhet te kuptoje se nuk mundet qe ta trajtoje me Kosoven si nje pjese te veten, per shkak se e ka humbur qe ne vitin 1999 mundesine e kontrollit mbi te.
“Ka ardhur koha qe Serbia te heqe dore nga mentaliteti kolonial, sepse ketij mentaliteti i ka ardhur fundi”, deklaroi Berisha, ne samitin i cili kishte ne qender te debatit ceshtjen e Kosoves. Ne te njejten kohe, Berisha u beri thirrje perfaqesuesve te vendeve evropiane qe ndodheshin ne samit te mos lejonin manipulimin e serbeve te Kosoves per te shkaktuar trazira pas negociatave per statusin ne kete vend.
“Eshte jashtezakonisht e rendesishme qe Serbia te marre sinjalet e domosdoshme, te heqe dore nga manipulimi i serbeve te Kosoves”, deklaroi Berisha ne Bruksel. Sipas tij, Serbia duhet te beje perpjekje per t’u integruar ne Evrope dhe per te arritur kete, duhet te mos provokoje ngjarje qe cenojne rendin dhe sigurine ne Ballkan. Nje vemendje te vecante ne fjalen e tij, Berisha i kushtoi edhe mendimit se Serbia mund te perdore bllokim ose embargo ndaj Kosoves, ne rast se ajo shpall pavaresine e njeanshme. Duke u nisur nga kjo situate hipotetike, Berisha theksoi se Shqiperia do te hap kufijte e saj per te ndihmuar popullin e Kosoves. “Qeveria e Tiranes do te angazhoje te gjitha kapacitetet e saj per t’i dhene dalje Kosoves ne detin Adriatik”, theksoi Berisha, duke shtuar se ishte i sigurt se keshtu do te vepronin edhe vendet e tjera te Evropes. Ne samitin e mbajtur ne Bruksel, Berisha tha se Kosova eshte rast krejt i vecante dhe si e tille zgjidhja e vetme per te eshte pavaresia ne perputhje me dispozitat e planit “Ahtisari”. Ne Bruksel, ne samitin e Partive Popullore pervec ministrave dhe kryeministrave te vendeve evropiane, ishin te pranishem edhe Presidenti i Komisionit Evropian, Jose Manuel Barroso dhe Presidenti i Parlamentit Evropian, Hans Gert Poettering. Gjate fjales se mbajtur ne kete samit, Kryeministri Berisha pershendeti firmosjen e Traktatit te ri evropian ne Lisbone, si nje arritje te madhe per te gjithe Evropen.
Serbet ne Kosove
Kryeministri Berisha kerkoi nga vendet e Evropes te ndalnin propaganden qe Serbia po ben te popullsia serbe qe jeton ne Kosove. Sipas Berishes, Serbia duhet te merrte nje mesazh te qarte per ta nderprere kete propagande ne menyre qe ne Kosove mos te krijohej nje gjendje konflikti. Kreu i qeverise shqiptare la te kuptohej se ky konflikt brenda Kosoves do ta bente te veshtire zgjidhjen paqesore te statusit.
Hapja e Shqiperise
Berisha deklaroi ne mediat evropiane, gjate vizites se tij ne Bruksel, se Shqiperia do te hapte portat e saj per te ndihmuar popullin e Kosoves ne rast se Serbia do te vendoste embargo ndaj saj. Sipas Berishes, qeveria e Tiranes do te angazhoje te gjitha kapacitetet e saj per t’i dhene dalje Kosoves ne detin Adriatik dhe shprehu sigurine se kjo ndihme do te jepej edhe nga vendet e tjera evropiane.