Keta: Deputete te PS do t'i bashkohen Nanos

Levizjes Nano per Fitoren e Socialisteve pritet t'i bashkohen anetare te Kryesise dhe deputete te grupit parlamentar te Partise Socialiste. Koordinatorja e Levizjes per Tiranen, Majlinda Keta, ka konfirmuar dje se ka mjaft ligjvenes se PS-se qe ndajne te njejtat qendrime me ish-kryetarin Fatos Nano per drejtimin e selise roze dhe qe shume shpejt do te bejne publike qendrimet e tyre. Ne nje interviste dhene dje per gazetaren Sonila Meco ne "ABC News", Keta u shpreh se ne momentin e duhur keta deputete do te perfaqesojne dhe Levizjen ne Parlament. "Vazhdimisht kemi qene ne kontakt me anetare te Kryesise se Rames dhe deputete te PS qe ndajne te njejtat qendrime me Nanon. Ne kemi shume te tille dhe jam shume e bindur qe brenda pak koheve do te reagojne ne menyren e duhur. Nje pjese e deputeteve jane pergatitur per te bere zedhenien e pare te Levizjes se Nanos. Keto qendrime do t'i japin nje lloj vitaliteti ne Kuvend Levizjes se Nanos", - tha dje Majlinda Keta. Koordinatorja e Levizjes Nano ka shtuar se shume shpjet do te kete produkte konkrete nga nisma e ish-kryetarit, te cilat do te bejne nje numer ligjvenesish qe do te mbeshtetin Nanon te jete me i madh. "Brenda levizjes jane pare te gjitha opsionet. Ju kini pare se Nano ka marre nje profil tjeter keto dite dhe eshte i angazhuar direkt ne kete levizje. Shume shpejt do te kemi nje produkt qe do t'i beje dhe deputetet e PS te ndjehen shume mire dhe te kuptojne diferencen me politiken humbese te Rames", - tha ajo. Vec deputeteve, Keta ka theksuar se nismes se Nanos i jane pergjigjur ne menyre pozitive mjaft intelektuale dhe njerez jo me profil politik, por qe kane shfaqur interes per zhvillimet brenda se majtes dhe qe kerkojne ndryshimin e situates aktuale. "Ne Grupin e Partise Socialiste ka deputete qe duan t'i bashkohen Nanos. Po ashtu ka njerez me profile te paperfolura, jane njerez qe nuk synojne me ndryshimet ne PS me menyre publicistike, me shkrime dhe qendrime qe kane mbajtur ne media, por ne menyre konkrete dhe aktive", - tha Keta. Koordinatorja e Levizjes Nano per Tiranen ka zbuluar dhe disa detaje sesi do te nise aktiviteti ne terren. Ajo ka theksuar se kjo levizje do te nise nga baza per te arritur ne qender. "Kjo do te jete nje levizje nga baza dhe jo nga lart. Kjo do te nise me Kukesin, ku qytetaret kane shprehur gatishmerine, duke vijuar me qytete te tjera. Kjo do te nise nga Tropoja dhe qytete te tjera qe kerkojne zedhenien e se majtes. Ajo qe ne synojme eshte pergatitja e socialisteve per te fituar. Rames iu be si ves humbja", - tha Keta. Ajo ka theksuar se qellimet e Nanos nuk jane percarja e se majtes, por fitorja e saj. "Nuk synojme carjen e PS. Mazhoranca e PS do te jete drejt nesh", - tha Keta.

"Rama eliminoi opozitarizmin"

Koordinatorja e Levizjes Nano per Tiranen, Majlinda Keta, u shpreh dje se drejtimi i PS-se nga Edi Rama ka sjelle eliminimin e opozitarizmit. Ajo u shpreh se PS ka pasur opozite me te veshtire se kjo qe po drejton Rama, por ka ditur te jete konkurruese dhe fituese. "Kemi nje opozite numerike, por nuk kemi opozitarizem", - tha Keta. Vec levizjes politike ne baze, Nano pritet te sjelle dhe platforma dhe projekte konkrete per te majten. Majlinda Keta thote se ish-kreu i PS-se do te jape alternativa dhe do te perpiqet te bashkoje gjithe faktoret opozitare, me qellimin e vetem fitoren e se majtes ne zgjedhjet e ardhshme. Keta ka theksuar se reagimi i Rames ndaj Levizjes Nano nuk ka qene i denje per nje politikan, por as edhe etik per nje komunikim njerezor. "Shqiptaret jane te qarte sot per profilin politik te Fatos Nanos. Nese Rama vazhdon me kete logjike, bind shqiptaret se socialistet jane humbes. Pergjigja me nje fjalor te mjere per te mos thene njerezish pylli, tregon se ai eshte nje lider i papergatitur ndaj nje lideri tjeter sic eshte Fatos Nano", - u shpreh dje Keta.