Khedira kërkohet nga PSG

Sami Khedira mund të përfundojë në Francë. Mesfushori gjerman nuk bën pjesë në planet e trajnerit të ri të Real Madridit, Carlo Ancelotti, prandaj e ardhmja e tij mund të lidhet me Paris Saint Germainin.

Ish futbollisti i Stuttgartit ishte blerë nga Jose Mourinho, pas paraqitjeve të shkëlqyeshme në Botërorin 2010 dhe me klubin gjerman, por ai mund ta lë kryeqytetin spanjoll, shkruan e përditshmja Marca.

Mesfushorin defanziv e thërret edhe qendërmbrojtësi Thiago Silva, i cili do të kishte kënaqësi të luajë me të tek gjiganti francez./Indeksonline/