Kili e njeh Palestinën
Nga Express më 08 janar 2011 në ora 17:30
Kili është bërë vendi i fundit i Amerikës së Jugut që ka njohur shtetin palestinez.
Ministri i Jashtëm, Alfredo Moreno, njoftoi se qeveria kiliane ka miratuar një rezolutë për të njohur shtetin palestinez si “të lirë, të pavarur dhe sovran”.
Me këtë veprim, Kili i bashkohet Brazilit, Argjentinës, Bolivisë dhe Ekuadorit.
Rreth 100 shtete të botës kanë ofruar njohje për shtetin palestinez në 20 vitet e fundit.
Izraeli dhe Shtetet e Bashkuara i kanë dënuar këto vendime si kundër-produktive dhe të dëmshme.
Sipas tyre, shtetësia palestineze mund të arrihet vetëm me negociata midis Izraelit dhe palestinezëve.