Kim Jong Un kërcënon Perëndimin

“Nëse armiqtë hedhin një predhë të vetme në territorin tonë të pacenueshëm dhe në ujërat territoriale, armata duhet të përgjigjet me sulme të shpejta vdekjeprurëse dhe e tërë armata duhet të bëhet një dhe të udhëheqë betejën në arritjen e qëllimit tonë të madhe për ribashkim kombëtar. E kam lëshuar këtë urdhër për tërë armatën, e kam shqyrtuar planin operacional për zbatim dhe në fund e kam nënshkruar”, ka thënë Kim në një fjalim në një ceremoni ushtarake, pjesë të të cilit i ka transmetuar televizioni shtetëror veri-korean.

Ai ka thënë se durimi i Koresë Veriore ka kufijtë e vet dhe se provokimeve do t’iu përgjigjen me të njëjtën monedhë.

Shtetet e Bashkuara dhe Perëndimi në përgjithësi shprehin shqetësimin për mbrojtjen raketore të Koresë së Veriut, derisa Koreja e Jugut ka pasur herë pas herë incidente me fqinjin verior.