Kimistet, pergjigjet te gabuara
TIRANE - Ekspertet e kimise analitike, ne Tirane, kane dale kunder analizave qe toka e Gerdecit eshte brenda normave te lejuara te ndotje. Sipas tyre Instituti i Shendetit Publik ka analizuar dy elemente te gabuar, qe nuk kane lidhje me shperthimin e depos se cmontimit te predhave. Kimistet thone se matjet duhen bere per ekzistencen e metaleve te renda si merkuri, bakri apo plumbi, elemente qe, sipas tyre, jane te pranishem dhe teper te rrezikshem per banoret e Gerdecit. Duke analizuar elementet qe mund te permbaje toka jo vetem perreth kraterit, specialistet kane kerkuar qe banoret nuk duhet te kthehen ne Gerdec, deri ne nje vleresim te sakte te zones. Substanca te tilla si dioksina, purana, por edhe plorklurbitemilet njihen si elementet kimike me te demshem te shendetit, qe mund te shkaktojne nje sere semundjesh. Nder semundjet me te rrezikshme jane ato kancerogjene. Nese toka rezulton se eshte e kontaminuar nga keto elemente kimike, atehere rrezikohen edhe ujerat nentokesore, ndaj edhe specialistet kane kerkuar nje monitorim afatgjate te kesaj zone. Substancat qe gjenden ne kete zone jane shume te rrezikshme. Keto substanca, pervec ndotjes se zakonshme qe jane metalet e renda etj., perqendrim duhet bere dhe ne permbajtjen e tyre ne toke dhe uje. Studimi duhet bere ne vazhdimesi per te pare shkallen e kontaminimit dhe rreziku qe vjen per njerezit qe do vendosen ne kete zone.