Kina deklaron se ka ç'aktivizuar komplotin terrorist

Kina ka deklaruar të enjten se ka mundur të zbulojë dhe të ndalë një celulë terroriste që operonte në rajonin e largët perëndimor Xinjiang, rreth një vit pasi dhuna etnike në qendrën e këtij rajoni shkaktoi 200 të vdekur. Zëdhënësi i ministrisë se Sigurisë publike raportoi se më shumë se 10 persona janë arrestuar ndërsa është sekuestruar edhe një sasi e konsiderueshme, materialesh shpërthyese. Kina i fajëson ata, të cilët i quan separatistë, për sulmet ndaj policisë dhe objekteve qeveritare. Të arrestuarit janë të gjithë ujgurë, që i përkasin popullsisë me origjinë nga Xinjiang, turkofonë dhe me besim mysliman. Policia ka sekuestruar një sasi të konsiderueshme bombash që mund të përdoreshin nga të arrestuarit.