Kinë, përfundon ura më e gjatë në botë

Ura më e gjatë në botë u përfundua ditën e djeshme pas katër vitesh punë, raportuan gjatë pasdites mediat ndërkombëtare.
Struktura që do të lidhë qytetin e Qingdao-s në Kinën lindore me provincën e Hungdao-s ka një gjatësi prej 42,5 kilometrash dhe kushtoi 5,5 miliard stërlina.

Kryeinxhinjeri që mbikqyri punimet deklaroi: “Modelet kompjuterike ishin shumë të detajuara dhe llogaritjet të bëra disa herë, por nuk mund të ishim të qetë deri në përfundimin e plotë, pasi pak centimetra të gabuar dhe e gjithë struktura mund të shëmbej”.