Kinë, tërmet 5.4 ballë, të paktën 7 të vdekur

Të paktën shtatë persona kanë humbur jetën dhe 120 të tjerë janë plagosur pas një tërmeti 5,4 ballë të shkallës Richter në jugperëndim të Kinës, në kufi me Birmaninë.

Lajmin e ka bërë të ditur agjencia e lajmeve Xinhua.

Lëkundjet janë regjistruar rreth orës 12:58 (5:58 me orën tonë lokale) dhe epiqendra është lokalizuar në 255 kilometra në jugperëndim të Dali, në provincën e Yunnan, në një zonë malore përgjatë kufirit me Birmaninë.