King duhet të pensionohet

Ledley King është shumë pranë pensionimit pas 13 vitesh me ekipin e Tottenham Hotspur. Kapiteni i skuadrës londineze, do të shqyrtojë mundësinë e tërheqjes nga futbolli gjatë pushimit veror.

Sipas të përditshmes angleze The Guardian, kjo ide i është këshilluar atij nga stafi mjekësor që nuk beson se King mund të vazhdojë karrierën pas problemeve të shumta me lëndime në vitet e fundit.

31 vjeçari e përfundoi sezonin me dhimbje të mëdha në gju, dhe thuhet se është duke menduar për rrezikun që mund ta ketë gjatë jetës së mëtutjeshme larg sportit.