Kirgizi, komuniteti ndërkombëtar shqetësohet për gjendjen në vend

Komuniteti ndërkombëtar, përfshirë Shtetet e Bashkuara të Amerikës, Rusinë, Kombet e Bashkuara, BE-në dhe Kinën, kanë kërkuar nga palët në Kirgizi, që të tregojnë qetësi dhe përmbajtje. Sekretari i përgjithshëm i Kombeve të Bashkuara, Ban Ki-moon, është shprehur i shokuar për humbjen e jetëve të njerëzve në Kirgizi, pas dhunës vdekjeprurëse ndërmjet policisë dhe protestuesve anti qeveritarë.
Shefja për politikën e jashtme të Bashkimit Evropian, Catherine Ashton, gjithashtu ka shprehur shqetësim për dhunën në Kirgizi dhe i ka ftuar palët që të tregojnë përmbajtje.
Zëdhënësi i Departamentit amerikan të shtetit, Philip Crowle, tha se operacionet amerikane në bazën ushtarake në qytetin Manas të Kirgizisë, nëpërmjet së cilës mbështeten operacionet në Afganistan, duket se po funksionojnë normalisht.