Kirurgu Nelaj kerkon kompensim per 380 ditet e burgut

TIRAN - Kirurgu Ardian Nelaj qe punonte vullnetar ne Qendren Spitalore te Burgjeve i akuzuar nga prokuroria per korrupsion por i shpallur i pafajshem nga gjykata kerkon nga kjo e fundit qe Ministria e Financave ta kompensoje per 380 ditet e burgimit te padrejte. Lajmi konfirmohet nga burimet zyrtare te togave te zeza ne kryeqytet ku pas kalimit ne short te ceshtjes eshte caktuar gjyqtari Agim Bendo per shqyrtimin e kerkese padise per demshperblim.

Sipas kesaj kerkese me nr. 7517 te regjistruar ne fund te muajit shkurt kirurgu Nelaj eshte arrestuar nga policia me 31 tetor 2008 me urdher te njesise Task-Forces se prokurorise pasi ndaj tij ishin depozituar dy kallezime penale per akuzen e korrupsionit pasive te personave qe ushtrojne funksione publike. Por pas perfundimit te hetimeve dhe dorezimit te dosjes ne Gjykate kjo e fundit e perbere nga treshja gjykuese e kryesuar nga gjyqtari Gerd Hoxha e deklaroi te pafajshem me vendimin e dates 16 nentor 2009.

Prokuroria e cila gjate shqyrtimit gjyqesor kerkoi nga gjykata qe ta deklaroje fajtor kirurgun Nelaj dhe ta denoj me 3 vjet e 6 gjashte muaj burg dhe 1.5 milione leke gjobe apeloi vendimin e pafajesise. Gjykata e Apelit me 6 tetor 2010 vendosi lenien ne fuqi te vendimit te Gjykates se Shkalles se Pare ne Tirane ku kirurgu Nelaj ishte deklaruar i pafajshem.

Por gjate kesaj kohe te shqyrtimit gjyqesor kirurgu Nelaj ka qene nen masen e sigurise arrest me burg dhe me pas arrest shtepie per 380 dite gjithsej. Per keto dite burgu kirurgu Nelaj kerkon nga Ministria e Financave dega e Thesarit ne Tirane tia kompensoi ne te mira materiale. Nderkohe nga ana tjeter sipas vendimit te pafajesise policia per futjen ne kurth te doktorit Nelaj ka perdorur nje person me inicialet Y.A. i denuar per mashtrim dhe kunaten e ketij te fundit motren e bashkeshortes me inicialet B.Q. per ta provokuar kirurgun Nelaj duke i dhene leke per sherbimet e kryera.