Klinton, tur diplomatik botëror

Sekretarja amerikane e Shtetit, Hillari Klinton, do të nis sot turnin e saj diplomatik nëpër botë. Ndalesa e saj e parë është Turqia, ku do të marrë pjesë në takimin e ministrave të jashtëm nga Grupi i Kontaktit për Libinë.

Klinton do të takojë zyrtarë të lartë turq, për të biseduar rreth përpjekjeve për paqe në Lindjen e Mesme, marrëdhënieve të tensionuara të Turqisë me Izraelin, Iranit dhe shtypjes së protestuesve në Siri.

Nga Turqia, Klinton do të udhëtojë drejt Greqisë ku me zyrtarët e këtij shteti do të diskutojë krizën financiare. Kryediplomatja amerikane do të vizitojë edhe Indinë, Indonezinë dhe Hong Kongun.