Klose në Lazio
Nga Express më 09 qershor 2011 në ora 16:13
Lazio ka konfirmuar transferimin e sulmuesit gjerman Miroslav Klose.
33 vjeçari ka nënshkruar kontratë dyvjeçare me klubin nga Serie A, të cilit iu bashkua si futbollist i lirë pas largimit nga Bayern Munich.
“Miroslav Klose është futbollist i Lazios”, shkruante në komunikatën e publikuar në ueb faqen zyrtare të Lazios, www.sslazio.it.
Klose kërkohej edhe nga klubi turk Galatasaray dhe ai spanjoll Valencia, por vendosi t’i bashkohet Lazios.
Ai kaloi një sezon dëshpërues me Bayernin duke shënuar vetëm një gol në 20 ndeshje të Bundesligës.