Inler, afër Napolit
Nga Express më 09 qershor 2011 në ora 19:15
Mesfushori i Udineses, Gokhan Inler duhet të arrijë marrëveshje personale me Napolin para se të kompletojë transferimin e tij në San Paolo.
Reprezentuesi zviceran pritet t’i bashkohet Napolit në marrëveshje me vlerë prej rreth 20 milionë eurosh.
“Kemi arritur marrëveshje me Napolin dy javë më parë”, tha pronari i Udineses, Giampaolo Pozzo.
“Tani Inler dhe presidenti i Napolit, De Laurentiis duhet të arrijnë marrëveshje financiare mes tyre, diçka që nuk ka të bënë asgjë me ne”, përfundoi ai. Inler kërkohej edhe nga Juventus, ndërsa në Udinese erdhi në verën e vitit 2008 nga FC Zurich.