Klosi: Kartat, kosto e larte

Partia Socialiste kerkon qe qeveria te perballoje kostot e pajisjes me karta identiteti te personave qe nuk kane mundesi ekonomike t'i blejne ato. Ne nje linje me LSI, deputeti i PS-se, Blendi Klosi tha dje se qeveria duhet te ulet te negocioje me kompanine qe po zbaton koncesionin, per te gjetur mundesite dhe rruget, per te gjithe personat qe nuk kane mundesi ekonomike, kostot e pajisjes me karte te perballohet nga shteti. Nga ana tjeter, Klosi u ankua per mungesen e nje strategjie nga ekzekutivi, per te vene ne dijeni popullin, se si duhet te pajisen me karta identiteti. "Kur ngelen vetem dy dite nga dita e fillimit te procesit, nuk ka as edhe nje shqiptar te vetem, perfshi dhe qeveritaret konfuz, qe te jene te qarte ku do te aplikojne, sipas kujt kalendari duhet te aplikojne dhe kur do te pajisen me leternjoftimin", ngriti shqetesimin Klosi.