Klosi: PD refuzoi te votonte reformen ne drejtesi, per imunitetin Qamil Xhani

Partia Socialiste, ka akuzuar mazhorancen per heqjen e imunitetit, duke theksuar se ishte PD-ja qe nuk votoi paketen e reformes ne drejtesi. Sekretari Organizativ dhe deputeti i PS-se, Blendi Klosi, tha dje ne nje konference per mediat, se pergjegjesia per mos marrjen e statusit kandidat, eshte e mazhorances dhe e Kryeministrit Sali Berisha. "Saliu shpif per kufizimin e imunitetit, teksa refuzoi ne menyre te hapur, te votonte projektligjin e dakordesuar nga njera ane, dhe paketen e garancive per pavaresine e drejtesise, nga ana tjeter", - u shpreh dje, Klosi. Deputeti i PS-se ka theksuar, se vendi rrezikon statusin kandidat per ne BE per here te trete, dhe kjo lidhet me mos permbushjen e reformave. "Edhe pse, per te treten here Shqiperia rrezikohet ne procesin e integrimit, Saliu shpif e genjen, se fajin e ka opozita. Por, e verteta eshte fare e qarte; Saliu ka deshtuar me qeverisjen e tij, ashtu sic deshtoi me permbushjen e kerkesave te partnereve europiane, ashtu sic deshtoi me bindje te plote ne zgjedhjen e nje presidenti konsensual, kerkese kjo shume e rendesishme e Brukselit", - tha dje, Klosi. Deputeti i PS-se, ka folur dhe per pavaresine e institucioneve, e cila sipas tij, eshte demtuar nga mazhoranca aktuale. "Sali Berisha nuk e njeh konceptin e pavaresise se institucioneve. Njesoj sic vendosi nje ushtar e sherbetor ne karrigen e Presidentit te Republikes, njesoj po vepron edhe me Keshillin e Larte te Drejtesise, e njesoj se fundmi veproi edhe me Sherbimin Informativ, pa u konsultuar me aleatet tane strategjike. Beri zgjedhjen e gabuar per te vendosur nen kontroll edhe sherbimet sekrete, njesoj si ne vitin 97' ", - tha Klosi. Deputeti socialist ka reaguar dhe per ngjarjen e fundit kriminale, qe ka ndodhur ne vend. Sipas tij, policia e shtetit nuk eshte ne lartesine e detyres. "Sot (dje), nje tjeter krim ka ndodhur, ne vazhden e vrasjeve, aksidenteve, grabitjeve, qe po ndodhin cdo dite. Sa vlere ka jeta e shqiptarit? Cfare ben policia e shtetit? Edhe sa te tjere duhet te vriten, perpara se dikush te veproje?", - u shpreh Klosi. Sekretari Organizativ i PS-se, ka reaguar dhe per akuzat e mazhorances, ne lidhje me pasurimin e deputeteve socialiste. "Sali Berisha akuzon deputetet e opozites, nderkohe nuk flet per keshillin e tij te miliardereve, deputete, ministra dhe familjare, qe duke shfrytezuar postet e tyre publike, kane vjedhur parate e shqiptareve te ndershem, kane marre ne menyre te padrejte koncesione, kane perfituar tendera, dhe permes parave te korrupsionit jane kthyer ne pasaniket e ketij vendi", - u shpreh Klosi.