Klubi për bajata

Nëse rastësisht nuk jeni interesant, as i interesuar për ndonjë argëtim, por ju pëlqen thjesht një jetë e mërzitshme dhe e parashikueshme, atëherë “Klubi për Bajata” është zgjidhja e duhur për ju. Klubi i njerëzve “kot” fillimisht u hap në New York, por selia aktuale e këtij klubi gjendet në Londër.

Presidenti i këtij klubi është 70-vjeçari, Leland Carlson, i cili jeton në Londër. “Ne nuk jemi program për ndihmë me 12 hapa. Ne kemi vetëm dy hapa – e pranojmë se jemi bajat dhe ashtu do të mbesim”, thotë Carlson.

Njëri prej argëtimeve të rralla të Klubit është paraqitja e njohurive se nga cila anë lëvizin shiritat për bagazhe nëpër aeroportet e mbarë botës. Klubi momentalisht në faqen e vet të internetit ka regjistruar mbi 400 shirita, ku dëshmohet edhe drejtimi i lëvizjes së tyre.

Edhe pse sipas psikoterapeutes Lauren Mackler njerëzit janë bajat si pasojë e ndonjë traume në fëmijëri, Leland Carlson thotë se kurrë nuk ka pasur kurrfarë probleme. Jeta e tij ka qenë gjithmonë e mërzitshme dhe bajate - mu ashtu si i pëlqen atij.