Koalicion me PDK-ne AAK Jane spekulime
Aleanca për Ardhmërinë e Kosovës hedh poshtë çdo mundësi të përfshirjes në koalicion me Partinë Demokratike të Kosovës. Kërcënimi i Partisë së Drejtësisë se do ta braktisë koalicionin qeveritar për shkak të mosmiratimit në Parlament të akteve ligjore që lejojnë futjen e lëndës së mësim-besimit dhe shamisë në shkollat publike riktheu sërish në tryezë mundësinë e përfshirjes së AAK-së në qeveri. Vizita e ambasadorit amerikan Kristofer Dell në këtë parti, një ditë më parë, bëri që mediat ta interpretojnë këtë vizitë të rrallë në selinë e partisë së ish- kryeministrit Haradinaj si përpjekje për të përafruar qëndrimet midis AAK-së dhe PDK-së. Ndërkaq për AAK-në, gjithçka është në suaza të spekulimeve.
“Qëndrimi i AAK-së sa i përket raporteve me Qeverinë e Kosovës nuk ka ndryshuar. Ne si parti po luajmë rolin tonë opozita ndërsa të tjerat janë spekulime dhe nuk ka asgjë të re”- tha nënkryetari i AAK-së, Ahmet Isufi.
Sekretari i përgjithshëm i PDK-së, Jakup Krasniqi thotë se nuk ka parë shenja të rrezikimit të koalicionit ndërsa duket se mbështet përfshirjen e AAK-së në koalicion.
“Partitë që e përbejnë koalicionin nuk janë të gatshme që të heqin dorë nga qeverisja. Nëse i shtohet ndonjë subjekt tjetër politik vetëm sa do ta shton fuqinë e këtij koalicioni”- tha Krasniqi.
Vetëvendosja e cila një ditë më parë kërkoi dorëheqjen e Qeverisës ë Kosovës, e konsideron si shpëtim të dytë për qeverinë Thaçi nëse AAK pranon të bëhet pjesë e koalicionit.
Spekulimet për mundësinë e daljes nga koalicionit të deputetëve të Partisë së Drejtësisë pasuan vendimin e Kuvendit të Kosovës për mos lejimin e lëndës së mësim –besimit dhe bartjen e shamisë në institucionet shkollore.
Bul Salihu
“Qëndrimi i AAK-së sa i përket raporteve me Qeverinë e Kosovës nuk ka ndryshuar. Ne si parti po luajmë rolin tonë opozita ndërsa të tjerat janë spekulime dhe nuk ka asgjë të re”- tha nënkryetari i AAK-së, Ahmet Isufi.
Sekretari i përgjithshëm i PDK-së, Jakup Krasniqi thotë se nuk ka parë shenja të rrezikimit të koalicionit ndërsa duket se mbështet përfshirjen e AAK-së në koalicion.
“Partitë që e përbejnë koalicionin nuk janë të gatshme që të heqin dorë nga qeverisja. Nëse i shtohet ndonjë subjekt tjetër politik vetëm sa do ta shton fuqinë e këtij koalicioni”- tha Krasniqi.
Vetëvendosja e cila një ditë më parë kërkoi dorëheqjen e Qeverisës ë Kosovës, e konsideron si shpëtim të dytë për qeverinë Thaçi nëse AAK pranon të bëhet pjesë e koalicionit.
Spekulimet për mundësinë e daljes nga koalicionit të deputetëve të Partisë së Drejtësisë pasuan vendimin e Kuvendit të Kosovës për mos lejimin e lëndës së mësim –besimit dhe bartjen e shamisë në institucionet shkollore.
Bul Salihu