Kodheli akuzon Topallin: Po shfrytëzon nxënësit për mitingje

Partia Socialiste ka akuzuar kryetaren e kuvendit Jozefina Topalli se në mitingjet e saj elektorale po shfrytëzon nxënësit e shkollave. Akuzat u bënë nga zëdhënësja e kryesisë së PS, Mimi Kodheli e cila iu referua një takimi në Kruje, ku për këtë shkak u mbyllën të gjitha shkollat në qytet. Sot Jozefina ka mbyllur shkollat e Krujës për ti marrë nxënësit në mitingun e saj. Ky abuzim i përditshëm me nxënësit e me shkollat në të gjithë Shqipërinë tregon se sa pak dritë ka në vizionin e qeveritarëve të sotëm dhe se sa shumë nevojë ka Shqipëria për një politikë të re ndryshimi, theksoi Kodheli. Duke e konsideruar këtë fenomen si tregues të nevojës për tu shkëputur nga e kaluara, Kodheli theksoi se kthimi i nxënësve me pahir në mitingashë dhe i shkollës në një repart mitingashësh për fushatën e partisë në pushtet tregon se sa shumë na duhet ndarja me të shkuarën.