Kodi, votimi javes tjeter

Partite e medha vazhdojne te jene te vendosura per te miratuar Kodin Zgjedhor javen e ardhshme, pavaresisht greves se 10 deputeteve qe jane ngujuar ne sallen e parlamentin qe prej dites se hene, ne lidhje me nje kapitull te rendesishem te ketij drafti ate te perberjes dhe menyres se zgjedhjes se anetareve te komisioneve te administrimit zgjedhor.

Nje nga eksponentet kryesore te PS-se, Arben Malaj, ndersa komentoi shkarazi krizen e shkaktuar ne kuvend per shkak te greves se dhjete deputeteve, la te kuptoje se kodi i ri elektoral, do te votohet.

“Dialogu politik organizohet mes partive politike dhe jo mes individeve persa i perket krizes mendoj se nga pikepamja etike eshte nje moment qe kerkon nje vleresim sa me te drejte. Vemendja dhe tensioni mbi keto dy ligje do te cenohet”, u shpreh Malaj.

Nderkohe PBDNJ parti ne koalicionin qeverises tha ne nje deklarate per shtyp se do te votoje kunder kodit zgjedhor pikerisht per faktin e perberjes se Komisioneve Zgjedhore, duke u bashkuar ne kete menyre, jo me greven, por me kontenstimet e deputeteve greviste.

“Ky kod nuk ka arritur t’u jape pergjigje bindese te gjithe atyre aspekteve te cilat kane prodhuar te gjitha proceset e shkuara ne vazhdimesi. Mbi te gjitha ve nje pikepyetje te madhe administrimin e procesit zgjedhor. E kam fjalen per komisionet e qendrave te votimit dhe komisionet zonale eshte nje formule e ketyre komisioneve e papranueshme per PBDNJ-ne”, u shpreh Dule.

Kriza e shkaktuar ne kuvend nga greva e dhjete deputeteve ne lidhje me kodin zgjedhor ne keto momente duket pa zgjidhje.

Dy palet jane te vendosura, deputetet greviste skane dhene asnje shenje per terheqje por nga ana tjeter dhe partite  e medha jane te vendosura per te miratuar kodin zgjedhor.