Kodi zgjedhor, Topi refuzon PD-PS

Presidenti i Republikes, Bamir Topi i ktheu dje Kuvendit per rishqyrtim Kodin Zgjedhor per "gafe" Kushtetuese. Anetaret e komisionit te posacem zgjedhor, ekspertet e juristet e forcave politike, ne ligjin e ri i kerkohet kreut te shtetit qe te dekretoje daten e zgjedhjeve. "Ne nje kohe kur ne Kushtetute theksohet se zgjedhjet parlamentare zhvillohen ne pranvere, e me nje perllogaritje te thjeshte rezulton se nese Presidenti e dekreton 9 muaj para daten, ato te zhvillohen ne vjeshte. Pra kushtetuta shkelet", tha Topi. "Isha detyruar, duke qene garant i Kushtetutes, qe te rikthej ne Parlament qe te behet ky korrigjim, ne menyre qe te jemi konform detyrimit kushtetues, qe zgjedhjet politike te pergjithshme ne Shqiperi te realizohen brenda afatit kushtetues dhe t'i jepet mundesia Presidentit qe, sipas ligjit te Kodit Elektoral te kete nje periudhe te nevojshme, te pranueshme, qe te korrespondoje me ate qe thote Kushtetuta", sqaroi dje Presidenti. Konkretisht, eshte pika dy e nenit nente ne Kodin Zgjedhor, ajo qe shkakton nje problem te tille. Ne te thuhet se: "Presidenti i Republikes nxjerr dekretin e dates se zgjedhjeve per Kuvendin jo me vone se 9 muaj para mbarimit te mandatit te Kuvendit". Nen qe presidenti Topi e sqaron se bie ndesh me nenin 8, qe ka parashikuar se zgjedhjet e pergjithshme per Kuvendin apo per njesite e qeverisjes vendore, zhvillohen njeheresh ne te gjithe territorin e vendit brenda periudhes qe shtrihet nga 15 Marsi deri me 30 Qershor ose nga 15 shtatori deri me 30 nentor. "Duke qene qe neni 65, pika 2 e Kushtetutes percakton se "zgjedhjet per Kuvendin e ri zhvillohen ne periudhen zgjedhore me te afert qe i paraprin dates se perfundimit te mandatit te Kuvendit", atehere periudha zgjedhore brenda se ciles duhen zhvilluar zgjedhjet e ardhshme te pergjithshme per Kuvendin, eshte periudha 15 mars deri me 30 qershor", argumentoi kreu i shtetit. Per kete arsye, Presidenti Topi kerkon nga Kuvendi qe te rregulloje keto nene ne Kod, ne menyre qe ligji i ri zgjedhor te mos bjere ndesh me kushtetuten e vendit. "Ligjin e ardhur per shpallje, e konsideroj nje perpjekje serioze dhe te domosdoshme per mire administrimin e procesit zgjedhor, por, gjej ne te arsye per ta kthyer edhe njehere ne Kuvend per rishqyrtim", theksoi ai. Duke nenvizuar se ka qene vazhdimisht i preokupuar per perfundimin sa me te shpejte te Kodit, i cili eshte parakusht shume i rendesishem ligjor per te pasur zgjedhje te lira, te ndershme dhe te pakontestuara. Presidenti shprehu besimin se Kuvendi do te pasqyroje vullnet maksimal politik dhe do te beje korrigjimet e nevojshme per shmangien e mosperputhjeve ne afatet e vendosura ne ligj. Rozeta Rapushi

Nenet qe bien ndesh

me kushtetuten

Kodi/Neni 8

Zgjedhjet e pergjithshme per Kuvendin apo per njesite e qeverisjes vendore, zhvillohen njeheresh ne te gjithe territorin e vendit brenda periudhes qe shtrihet nga 15 Marsi deri me 30 Qershor ose nga 15 shtatori deri me 30 nentor.

Neni 9/2

Presidenti i Republikes nxjerr dekretin e dates se zgjedhjeve per Kuvendin jo me vone se 9 muaj para mbarimit te mandatit te Kuvendit.

Kushtetuta

Neni 65/2

Zgjedhjet per Kuvendin e ri zhvillohen ne periudhen zgjedhore me te afert qe i paraprin dates se perfundimit te mandatit te Kuvendit. Periudha zgjedhore brenda se ciles duhen zhvilluar zgjedhjet e ardhshme te pergjithshme per Kuvendin, eshte periudha 15 mars deri me 30 qershor.