Kodra: Ndihma ekonomike, tek familjet vertet ne nevoje

Ministria e Punes do te ngreje nje grup te posacem inspektimi, i cili me pas do te beje edhe rishperndarjen e ndihmes ekonomike. Ne nje takim te zhvilluar gjate dites se djeshme eshte theksuar se kjo ndihme do te shkoje tek ato familje, te cilet realisht jane ne nevoje. "Rritja e efektivitetit dhe funksionimi sa me i mire i skemes se ndihmes ekonomike eshte prioritet i Ministrise se Punes, Ceshtjeve Sociale dhe Shanseve te Barabarta dhe po punohet per zbatimin sa me te mire te saj, ne menyre qe ajo t'u shkoje familjeve dhe individeve qe jane vertet ne nevoje" ka pohuar zv/ministrja e Punes dhe Ceshtjeve Sociale, Filloreta Kodra. Kjo e ka pohuar se takimi ka per qellim
Identifikimin e problemeve dhe ky eshte vetem fillimi i ketij procesi. Ndihma ekonomike duhet te shkoje aty ku jane edhe nevojat. Zv/ministrja Kodra, gjate takimit u ndal edhe ne objektivat per te ardhmen si realizmi i nje studimi te legjislacionit per paaftesine, vleresimi i klasifikuar i saj, hartimi dhe zbatimi i politikave aktive per rehabilitim profesional me qellim punesimin e personave me paaftesi etj. Kodra theksoi se tashme ka filluar puna per permiresimin e legjislacionit ne fushen e mbrojtjes sociale dhe perafrimin e tij me legjislacionin evropian. "Reformimi i sistemit te mbrojtjes sociale synon te ndikoje drejtperdrejte ne reduktimin e varferise dhe permiresimin e cilesise se jetes per familjet dhe grupet ne nevoje, ku perfshihen edhe femijet", ka pohuar Kodra. Qellimi i ketij takimi ishte dalja me rekomandime konkrete, ne lidhje me objektivat qe do te sherbejne per hartimin e politikave per ndryshim ne legjislacionin ekzistues te mbeshtetjes sociale.