Kola: Po perbuzemi me metodologjine komuniste

Zoti Kola ka me shume se dy muaj qe ligji per "Demshperblimin e ish-te perndjekurve ka hyre ne fuqi. Eshte demshperblyer ndonje?
Asnje. Deri me sot, ka 16 vjet qe eshte permbysur komunizmi e asnje ish-i perndjekur nuk ka marre para si demshperblim. Ligji i ri mohon te drejtat tona dhe shkurton shume numrin e atyre te denuar qe mund te perfitojne. Edhe per kete vit, te garantoj se s'do marrim asgje, ashtu si vitet e tjera. Eshte vetem nje tymnaje per ne dhe opinionin publik se demshperblime nuk ka. Ne nuk mendonin se do te dilnim gjalle nga burgjet, jo me te presim prej pushtetit sot demshperblim. Keto nuk kane as deshire dhe as leke per te na dhene. Edhe nese marrim ndonje lek, do marrim nga taksapaguesit jo prej tyre.
Per te perfituar demshperblim, u eshte kerkuar te plotesoni dokumentacionin e nje formular. Si po ecet kjo procedure?
Deri me sot, jane 900 dosje te plotesuara e dorezuara per demshperblim. Nga ku, 300 prej tyre jane kthyer nga institucionet per mungese dokumentacioni. Kane kaluar dy muaj dhe vetem 600 dosje jane pranuar. Por behet fjale per 23000 te tilla, e keshtu si e kane nisur keta, duke na kthyer per cdo dokument as per shtate vjet nuk mbyllet procedura e depozitimit te dosjeve. Jo me te pretendohet demshperblimi. Kjo tregon se po vazhdon perbuzja ndaj kesaj shtrese e se po vijohet me metodologjine komuniste. Vetem se po tallen me ne. Ish-te perndjekurit ngelen dyerve te institucioneve, sa te Ministria e Drejtesise e Drejtoria e Burgjeve, dhe perseri na sorollatin.
Cili do te jete reagimi juaj?
Ne po konsultohemi me juriste e po pergatisim ankimimin e ligjit ne Gjykaten Kushtetuese. Ky ligj shkel hapur te drejtat tona dhe nuk duhet lejuar te jete ne fuqi. Do te presim vendimin qe do te jepet, e nese nuk eshte ne favor tone, sigurisht qe do te vijojme rrugen drejt Gjykates per te Drejtat e Njeriut ne Strasburg.
R.Rapushi