Kolegji Zgjedhor pritet te marre sot vendimin per Tiranen
TIRAN- Kolegji Zgjedhor pritet qe te marre sot vendimin me te rendesishem per zgjedhjet e 8 majit ku do te vendose fatin e zgjedhjeve per bashkine e Tiranes. Nje jave me pare socialistet dorezuan ne gjykate kerkesen e tyre ne te cilen kerkonin rrezimin e vendimit te Komisionit Qendror te Zgjedhjeve i cili nisi proceduren e hapjes se kutive te votimit dhe rivleresimit te votave. Ne perfundim te ketij procesi KQZ ndryshoi ne tavoline rezultatin per Tiranen. Tashme i takon Kolegjit qe te legalizoje apo te rrezoje vendimmarrjen e KQZ-se. Relatori i seances se sotme do te jete gjyqtari Tom Ndreca ndersa ne perberje te trupit gjykues do te jene Entela Prifti Sashenka Jonuzaj Astrit Kalaja dhe Petraq Dhimitri.
Ne ceshtjen e re PS kerkon shfuqizimin e vendimit 709 te KQZ-se per rivleresimin dhe rinumerimin e votave ne Tirane. Opozita pretendon se organi qe merret me administrimin e Zgjedhjeve ka kapercyer kompetencat e tij si dhe nuk ka respektuar procedurat qe percakton Kodi Zgjedhor per miratimin e vendimeve. Duke e cilesuar vendimin per rivleresimin e votave si akt normativ socialistet pretendojne se duhej te ishte miratuar me pese vota dhe jo me kater.
Komisioni Qendror i Zgjedhjeve nuk rezulton ti kete pasur parasysh cilesite ligjore te siperpermendura te aktit normativ. Nepermjet votimit te ketij vendimi dhe kryerjes se veprimeve gjate hetimit administrativ per vleresimin e fleteve te votimit per Kryetarin dhe Keshillin e Bashkise Tirane te gjendura ne kutite e gabuara KQZ-ja ka shkelur ne menyre flagrante proceduren dhe e ka shnderruar veten ne nje organ inkompetent theksohet ne padi.
Sipas saj KQZ ne perfundim te miratimit nga KZAZ-te te tabelave per cdo zone kishte per detyre vetem mbledhjen matematikore te dhenave qe pasqyrohen ne tabelat e rezultateve te KZAZ-ve ose sipas rastit te tabelave te rezultateve per cdo QV. Pretendimet qe subjekte te caktuara apo edhe komisione te administrimit te zgjedhjeve te nivelit me te ulet se KQZ-ja mund te kene ne lidhje me vleresimin e votave dhe/ose te gjithe procesit zgjedhor per socialistet nuk mund te shqyrtohen ose vleresohen nga KQZ ne kete faze te procesit.
Ne varesi te vendimit te Kolegjit do te percaktohet edhe axhenda politike e opozites por edhe rezultati i Tiranes. Nese do te lihet ne fuqi vendimi i KQZ-se atehere do te ligjerohet hapja e kutive te votimit qe nxori fitues me 78 vota para kandidatin Basha edhe pse numeruesit nxoren fillimisht kandidatin socialist Rama fitues per te katerten here ne kryeqytet.