Komisioni, Kodi "ngec" tek KQZ
Perberja e komisioneve zgjedhore dhe perfaqesimi i partive politike ne to, eshte kthyer ne nje "kafshate te pa kaperdishme" per anetaret e Komisionit te Posacem te Reformes Zgjedhore. Ne mbledhjen e djeshme, Komisioni miratoi me konsensus te plote 51 nene te Kodit te ri Zgjedhor. Por nuk mundi te aprovoje 7 nenet e mbetura, te cilet flasin vetem per perberjen e komisioneve, perfshire dhe Komisionin Qendror te Zgjedhjeve. Burime nga mbledhja e pasdites thane per gazeten "Koha Jone" se, shkak i shtyrjes u be Levizja Socialiste per Integrim. Kjo parti, kerkoi shtyrjen per te pasur mundesi te beje propozimet e saj mbi keto nene, se me sa anetare duhet te jene komisionet dhe se cilat parti duhet te perfshihen ne to. Ne Komisionin e Posacem eshte diskutuar qe perberja e komisioneve te jete jo me shume se shtate anetare. Cka do te thote, qe jo pak parti te vogla politike, te perjashtohen nga perfaqesimi ne komisionet qe merren me numerimin e votave, apo nxjerrjen e rezultateve. Nje formule e tille duket se nuk eshte aspak e pelqyeshme per te vegjlit, te cilet deri me sot kane pasur luksin te jene te pranishem ne keto grupe, pasi perberja e tyre eshte 14 anetare. Ne emer te tyre u ngrit dje LSI, perfaqesuesi i se ciles kerkoi me shume kohe per konsultime dhe per te hartuar amendamente mbi kete ceshtje. Nga ana tjeter, pa miratuar mbeti dhe perberja e Komisionit Qendror te Zgjedhjeve, dhe numri i anetareve qe ai do te kete. Aktualisht, ky Komision ka 9 anetare, me perfaqesues te partive te medha e te vogla. Debate per nenet mbi perberjen e komisioneve do te vijojne gjate dites se sotme. Komisioni ka caktuar te mblidhet ne oret e para te mengjesit, ora 09:00, me shpresen per t'i dhene fund miratimit ne teresi te Kodit te ri Zgjedhor. Gjate mbledhjes se sotme do te diskutohen vetem nenet e mbetura per perberjen e komisioneve, duke qene se me ne fund partite rane dakord per pjesen tjeter te Kodit, perfshire dhe formulen e ndarjes se mandateve. Komisioni i Posacem per Reformen Zgjedhore per muaj te tere nuk mundi te miratoje Kodin Zgjedhor, duke kerkuar shtyrje te vazhdueshme te afatit te punes, per shkak te debateve e perplasjeve mes forcave politike. U premtua shume se Kodi do te ishte gati ne korrik, por partite nuk arriten ta miratojne as ne muajin tetor. Afati i fundit i caktuar nga Kuvendi eshte mesi i ketij muaji, i cili duket se do te arrihet, pasi me ne fund, pjesa me e madhe e Kodit te ri Zgjedhor eshte miratuar. Rozeta Rapushi