Komisioni i Ekonomisë dhe Financave miraton projektligjin Për ratifikimin e Konventës, ndërmjet Këshillit të Ministrave të Republikës së Shqipërisë dhe Qeverisë së Shtetit të Kuvajtit, për shmangien e tatimit të dyfishtë."

Komisioni i ekonomisë dhe financave miratoi sot në parim dhe nen për nen projektligjin Për ratifikimin e Konventës, ndërmjet Këshillit të Ministrave të Republikës së Shqipërisë dhe Qeverisë së Shtetit të Kuvajtit, për shmangien e tatimit të dyfishtë dhe parandalimin e evazionit fiskal për tatimet mbi të ardhurat dhe kapitalin.

Konventa krijon një bazë të plotë ligjore për trajtimin tatimor të individëve, personave juridikë shqiptarë apo kuvajtjanë, që kanë veprimtari biznesi që përfshihen nën juridiksionin e legjislacioneve tatimorë të të dy shteteve.

Kjo konventë, dispozitat e së cilës, kanë përparësi ndaj legjislacioneve tatimore të të dy vendeve, trajton mënyrën sesi do të shmanget tatimi I dyfishtë

E drejta për tatimin e të ardhurave të caktuara, i jepet vetëm njërit shtet, apo duke e ndarë këtë të drejtë ndërmjet të dy shteteve, por pa e rënduar subjektin me tatim të dyfishtë.

Dispozitat e konventës parashikojnë bashkëpunimin dhe shkëmbimin e informacioneve për parandalimin e evazionit fiskal nga subjektet përkatëse të të dy vendeve.

Më shumë nga Zyrtare