Komisioni i reformës zgjedhore takim me ekspertët e ODIHR-it

Diskutohet mbi ecurinë e rishikimit të ligjit zgjedhor dhe hapat e hedhur në këtë drejtim

Komisioni i posaçëm parlamentar për reformën zgjedhore ka zhvilluar një takim pune me ekspertë të Zyrës për Institucione Demokratike dhe të Drejtat e Njeriut, ODIHR. Mësohet se gjatë këtij takimi, të zhvilluar me dyer të mbyllura, është diskutuar mbi ecurinë e rishikimit të ligjit zgjedhor dhe hapat që janë hedhur nga ana e ligjvënësve shqiptarë në këtë drejtim. Burimet bëjnë të ditur se një ndër përfaqësuesit e ODIHR-it në takim është ekspert për teknologjinë në fushën e zgjedhjeve. Në adresë të komisionit të reformës zgjedhore kanë mbërritur propozime, që numërimi elektronik i votave, të sanksionohet në Kodin e ri Zgjedhor. Këto propozime janë duke u shqyrtuar nga ana e ekspertëve të dy partive kryesore politike, Partisë Demokratike dhe asaj Socialiste pranë këtij komisioni.